Alfabeto Fonetico Internacional

Iste articlo ye sobre l'Alfabeto Fonetico Internacional; ta atros usos, se veiga AFI.

L'Alfabeto Fonetico Internacional (AFI en aragonés, API en francés, IPA en anglés y en braille IPA ⠘ ⠷⠁⠌⠏⠈⠓⠊⠒⠑⠌⠘ ⠾ ) ye un sistema de notación fonetica. O suyo proposito ye estableixer, de forma regularizada, precisa y unica, a representación d'os sonius d'a parla de cualsiquier luenga,^[1] y en l'ambito profesional lo fan servir frecuentement lingüistas, logopedas, terapeutas, mayestros de luenga estranchera, lexicografos y traductors.^[2] En a suya forma basica (en 2005) tien alto u baixo 107 simbolos bsicos y 55 modificadors.^[3]

Os simbolos de l'Alfabeto Fonetico Internacional son dividius en tres categorías: letras (que indican sonius “basicos”), diacriticos (que especifican ixos sonius) y suprasegmentals (que indican cualidaz tals como velocidat, tono y accentuación). Istas categorías son divididas en seccions menors: as letras son divididas en vocals y consonants^[4] y os diacriticos y os suprasegmentals son dividius seguntes si indican articulación, fonación, tono, entonación u accentuación.^[1]

Encara que l'AFI fue creyau pa representar nomás aquellas cualidaz d'a parla que son relevants pa l'idioma en sí (como a posición d'a luenga, o modo d'articulación y a deseparación y l'accentuación de palabras y silabas),^[1] s'ha creyau un conchunto nuevo de simbolos como extensions de l'Alfabeto Fonetico Internacional pa sinyalar cualidaz d'a parla que no tienen un efecto dreito en o significau (como por eixemplo o cruixiu de dients, o sigmatismo y os sonius efectuaus por personas con fisuras labiopalatinas).^[2]

L'AFI puet emplegar-se pa transcribir cualsiquier luenga d'o mundo. Ye l'alfabeto fonetico más emplegau en tot o mundo, encara que en Estaus Unius muitos lingüistas continan emplegando, con preferencia, os simbolos de l'alfabeto fonetico americanista.

1. ↑ ^{1,0 1,1 1,2} (en) Asociación Fonetica Internacional (1999), Handbook of the International Phonetic Association: A guide to the use of the International Phonetic Alphabet, Cambridge: Cambridge University Press. ISBN 0-521-65236-7 (hb); ISBN 0-521-63751-1 (pb).
2. ↑ ^{2,0 2,1} (es) MacMahon, Michael K. C. (1996), «Phonetic Notation» P. T. Daniels and W. Bright (eds.), The World’s Writing Systems, 821–846, New York: Oxford University Press. ISBN 0-19-507993-0.
3. ↑ (es) Asociación Fonetica Internacional. "El Alfabeto Fonetico Internacional (2005)" (GIF). http://www.langsci.ucl.ac.uk/ipa/images/ipachart.gif. Retrieved 27 d'agosto de 2006. 
4. ↑ (en) Asociación Fonetica Internacional (1999, 3) “Segments can usefully be divided into two major categories, consonants and vowels.”